Նոր աշխարհ բացահայտելու համար պարտադիր չէ կտրել հազարավոր կիլոմետրեր: Բավական է այլ հայացք նետել շրջապատող իրերին: Vokrugsveta-ն իր նոր նախագծի շրջանակներում ուսումնասիրել է սխտորի կտորը մանրադիտակի տակ: Ստացված պատկերն իր գեղեցկությամբ հիշեցնում է գունագեղ գորգ: Նկարում առկա երփներանգ ուղղանկյունները կալցիումի օքսալատի բյուրեղներ են, այսինքն՝ կալցիումի աղ և թրթնջուկաթթու: Թե սխտորի ինչին է պետք օքսալատը, գիտնականները չեն կարողանում հասկանալ: Հնարավոր է, որ, բյուրեղներ ստեղծելով, բույսն ազատվում է ավելորդ կալցիումից: Այս միացությունը մարդկանց համար շատ վնասակար է, ինչպես թնթնջուկաթթվի բոլոր աղերը: Սակայն սխտորի մեջ դրանք այնքան քիչ քանակություն են կազմում, որ այն անվնաս է անգամ միզաքարային հիվանդություններով տառապողների համար, չնայած որ քարերը հենց կալցիումի օքսալատներ են: |