ԱՄՆ Յութա նահանգում ապրող Արիանա Գուրդինը հոր հետ պարբերաբար մեկնում է որսի ու իր զոհերի լուսանկարնեն ուրախությամբ հրապարակում ֆեյսբուքյան իր էջում: Բնականաբար, նրա այս «զվարճանքը» հարուցում է համացանցի օգտատերերի զայրույթը: «Ես պատրաստ եմ գնդակահարել այս աղջկան, ինչքան դաժանություն կա նրա մեջ, կարո՞ղ ես քեզ պատկերացնել այդ կենդանիների տեղում…» նմանաբովանդակ նամակներն ու մեկնաբանությունները նրան են ուղղորդվում տասնյակ հազարներով: Այժմ արդեն 14-ամյա Արիանան BBC-ի հետ զրույցում պատմել է, թե իր գերդաստանում բոլորը որսորդներ են, որսորդությունն իր արյան մեջ է, ինքը շատ նորմալ է վերաբերում կենդանիների սպանությանն ու դրանից հաճույք է ստանում: Նրա հայրն էլ, կրկնելով աղջկա խոսքերը, հավելել է հետևյալը. «Մենք երբեք ներողություն չենք խնդրի մեր արածի համար»: |