+22 °C, +13 °C ... +24 °C Վաղը`+24 °C
Ռուսաստանաբնակ հայազգի գործարար և բարերար Ռուբեն Վարդանյանը հարցազրույց է տվել Financial Times պարբերականին, որում անդրադարձել է Հայաստանի ներքաղաքական իրավիճակին: Նա այս պահը բեկումնային է անվանել Հայաստանի համար: «Անկախությունից քառորդ դար անց երիտասարդ հանրապետությունը մնում է խոցելի: Մենք եզակի և անսպասելի հնարավորություն ունենք մեր երկիրը վերածել վառ, ժամանակակից, անվտանգ, խաղաղ և զարգացող հայրենիքի»,- ասել է Վարդանյանը: Նրա խոսքով՝ Հայաստանում տեղի ունեցած թավշյա հեղափոխությունը մեկ մարդու հաղթանակ չէ, այլ մի ամբողջ ազգի, հատկապես, երիտասարդության: «Ակնհայտ է, թե ինչ պետք է անի ՀՀ նորընտիր վարչապետը: Առաջին հերթին, պարոն Փաշինյանը պետք է օգտագործի ողջ աշխարհի հայերի կարողություններն ու էնտուզիազմը: Այժմ իդեալական ժամանակ է մեր երկրի համար, որպեսզի դիմեն արտագաղթածներին և խնդրեն օգնել երկիրը զարգացնելու գործում: Երկրորդ հերթին, Փաշինյանը պետք է բարեխղճորեն օգտագործի ստացած մանդատը: ՀՀ քաղաքացիները ցանկանում են հարուստ, կենսունակ երկիր ունենալ, որը հավատարիմ կմնա արդարության, ազատության սկզբունքներին»,- նշել է Վարդանյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am