Facebook-ի մոտ 3 միլիոն օգտատերերի տվյալների զանգվածային արտահոսք է տեղի ունեցել, ովքեր օգտագործել են հոգեբանական թեստերով հավելվածը, հայտնում է New Scientist-ը՝ հղում անելով իր սեփական հետաքննությանը: Պարբերականը գրում է, որ myPersonality հավելվածը Քեմբրիջի համալսարանի նախագիծն է, այն ստեղծվել է 2007թ-ին: Այն իր մեջ պարունակում է բազմաթիվ հոգեբանական թեստեր և արագ արդյունքներ է ստանում օգտատերերից: Պարբերականի տեղեկությունների համաձայն՝ մոտ 6 միլիոն մարդ է անցել այդ թեստերը, և նրանց մոտ կեսի տվյալների արտահոսք է եղել: Հավելվածի ստեղծողները հավաքել են այդ տվյալները, դրանք անանուն դարձրել և տեղադրել վեբ կայքում, որպեսզի մյուս հետազոտողները կարողանան օգտվել դրանցից: Ինչպես նշում է պարբերականը, Քեմբրիջի համալսարանի աշխատակիցներն այդ տվյալները տեղադրել են կայքում առանց անվտանգության միջոցառումների պահպանման: |