+17 °C, +15 °C ... +26 °C Վաղը`+26 °C
Ի պատասխան Իսրայելի դեմ՝ Գազայի հատվածում վերջին իրադարձությունների պատճառով Թուրքիայի նախագահ Ռեջեփ Էրդողանի՝ միջազգային քարոզարշավի և քաղաքական ու դիվանագիտական դեմարշի՝ Իսրայելը կճանաչի Հայոց ցեղասպանությունը: Այս մասին հայտարարել են Իսրայելի Քնեսեթի (խորհրդարան) պատգամավորները: Նախաձեռնության հեղինակն Իսրայելի գլխավոր ընդդիմադիր «Սիոնիստական ճամբար» դաշինքի առաջնորդ Իցիկ Շմուլին է: Նախաձեռնությանը միացել են 50-ից ավելի պատգամավորներ, կառավարության ազդեցիկ անդամներ, ինչպես նաև Իսրայելի տրանսպորտի և հետախուզության նախարարը: Իսրայելական REKA ռադիոկայանի հետ զրույցում Շմուլին ասել է, որ պատգամավորները մտավախություն ունեն, որ Ցեղասպանության ճանաչումն ազդեցություն կունենա Ադրբեջանի հետ հարաբերությունների վրա: «Ադրբեջանում պետք է հասկանան, որ դա իրենց վրա չի անդրադառնա, որ Էրդողանը քաղաքական լայնամասշտաբ պատերազմ է սկսել Իսրայելի դեմ: Նա մեզ այլընտրանք չի թողել»,- ասել է իսրայելցի պատգամավորը: Այդ գործընթացը դատապարտել է Քնեսեթի նախկին պատգամավոր Իոսիֆ Շագալը: Իսրայելական ԶԼՄ-ների հետ զրույցում նա բացահայտ ասել է, որ Ցեղասպանության ճանաչումը կանդրադառնա Ադրբեջանի հետ երկկողմ հարաբերությունների վրա՝ քննադատելով նախաձեռնության հեղինակ Իցիկ Շմուլիին և Սիոնիստական ռեժիմին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am