Թուրքիայի նախագահ Ռեջեփ Էրդողանը Գազայի հատվածի սահմանին պաղեստինցիների դեմ Իսրայելի գործողությունները համեմատել է Երկրորդ համաշխարհային պատերազմի տարիներին նացիստական Գերմանիայի կողմից հրեաների հետապնդման հետ, հաղորդում է The Times of Israel-ը: «Որևէ տարբերություն չկա 75 տարի առաջ Եվրոպայում հրեական ազգի դեմ վայրագությունների և Գազայում մեր եղբայրների դեմ դաժանությունների միջև»,- ասել է Էրդողանը՝ ելույթ ունենալով Ստամբուլում իսլամական առաջնորդների հետ հանդիպման ժամանակ: Նրա խոսքով՝ մարդիկ, ովքեր գերմանական կոնցլագերներում արյունալի խոշտանգումների էին ենթարկվում, այժմ նացիստական մեթոդներ են կիրառում Գազայի պաղեստինյան բնակչության դեմ: «Ասեմ բաց և հստակ՝ այն, ինչ անում է Իսրայելը, հանցագործություն է, դաժանություն և պետական ահաբեկչություն»,- հավելել է Թուրքիայի նախագահը: Ավելի վաղ հայտնի է դարձել, որ ՄԱԿ-ի՝ մարդու իրավունքների հարցերով Խորհուրդը մտադիր է հետաքննել Պաղեստինի դեմ Իսրայելի ռազմական հանցագործությունները: Հիշեցնենք, որ օրերս Գազայի հատվածի սահմանին բախումներ էին տեղի ունեցել պաղեստինցիների և Իսրայելի բանակի միջև, տասնյակից ավելի պաղեստինցիների էին զոհվել: |