+23 °C, +14 °C ... +27 °C Վաղը`+28 °C
Ռուսական «Դու սուպեր ես» հեռուստաշոուի երկրորդ սեզոնի մասնակից Սաթենիկ Գևորգյանը ելույթ է ունեցել երկրորդ կիսաեզրափակչում՝ կատարելով My heart will go on երգը: Ժյուրիի բոլոր անդամները սեղմել են կանաչ կոճակը և հիացական խոսքեր ասել պատանի հայուհու հասցեին: Չնայած կանաչ լույսին՝ ժյուրիի անդամներն ընտրության վերջին փուլում չեն ընտրել Սաթենիկ Գևորգյանին, ինչն արել է հաղորդման հաղորդավար Վադիմ Տակմենյովը: Մրցույթում հաղթողի անունը կորոշվի հանդիսատեսների կարճ հաղորդագրությունների արդյունքում: Սաթենիկ Գևորգյանը Գյումրիից է։ Մինչև 6 տարեկանն ապրել է մոր, հոր և երկու եղբոր հետ։ Ընտանիքին սովից փրկելու համար հայրը մեկնել է արտագնա աշխատանքի և չի վերադարձել։ Այժմ աղջիկն ապրում է նոր ընտանիքում։ Սաթենիկը երգում է յոթ տարեկանից։ Նախագծին մասնակցում էին 8-18 տարեկան 82 երեխա 13 երկրից։ Մասնակիցները Մոսկվա են մեկնել Ռուսաստանի տարբեր անկյուններից, ԱՊՀ և Բալթյան երկրներից` Հայաստանից, Ադրբեջանից, Բելառուսից, Ղազախստանից, Լատվիայից, Մոլդովայից, Տաջիկստանից, Ուզբեկստանից, Էստոնիայից և Հարավային Օսեթիայից, ինչպես նաև Գերմանիայից և Սիրիայից։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am