Ռուսաստանի հետ հարաբերությունների կարգավորման հարցերով՝ Վրաստանի նախագահի հատուկ ներկայացուցիչ Զուրաբ Աբաշիձեն հայտարարել է, որ Վրաստանը պատրաստ է պայմանավորվել Ռուսաստանի հետ՝ կապված Աբխազիայի և Հարավային Օսիայի միջով դեպի Հայաստան առևտրային միջանցքների գործարկման հետ: «2018թ. մայիսի 24-ին Պրահայում ՌԴ արտաքին գործերի փոխնախարար Գրիգորի Կարասինի հետ կայանալիք հանդիպման ընթացքում մենք «Ապրանքների առևտրի մոնիթորինգի և մաքսային վարչարարության մեխանիզմների մասին» համաձայնագրի իրականացման հարցով հատուկ աշխատանքային խումբ կձևավորենք»,- ասել է Աբաշիձեն «Ազատություն» ռադիոկայանի ռուսական ծառայության հետ զրույցում: Նշենք, որ Վրաստանի և Ռուսաստանի միջև 2011թ. կնքված համաձայնագիրը ենթադրում է Ռուսաստանից Աբխազայի, Հարավային Օսիայի և Վրաստանի միջով դեպի Հայաստան առևտրային միջանցքների բացում: |