+16 °C, +13 °C ... +24 °C Վաղը`+27 °C
Սկոպյեում ավարտված ըմբշամարտի Եվրոպայի պատանեկան առաջնությանը մասնակցել է նաև օլիմպիական խաղերի կրկնակի չեմպիոն Արմեն Նազարյանի որդին՝ 16-ամյա Էդմոնդ Նազարյանը։ Նա հանդես է եկել Բուլղարիայի դրոշի ներքո։ 45 կգ քաշային կարգում 4 հաղթական գոտեմարտից հետո, եզրափակչում 3:3 հաշվով առավելության է հասել Ադրբեջանը ներկայացնող Գուրբան Գուրբանովի նկատմամբ և հռչակվել Եվրոպայի չեմպիոն։ Հաղթանակից հետո Բուլղարիայի ըմբշամարտի ֆեդերացիայի պաշտոնական կայքը հրապարակել է մարզչի հետ հարցազրույցը։ «Սրանից մեծ երջանկություն էլ ինչը կարող է լինել։ Ես օլիմպիական խաղերի կրկնակի չեմպիոն եմ և ցանկանում եմ, որ որդիս՝ Էդմոնդը, օլիմպիական չեմպիոնի տիտղոս նվաճի Բուլղարիայի համար և գերազանցի իմ նվաճումները։ Մենք պետք է վերածնենք ըմբշամարտը Բուլղարիայում։ Ես ուզում եմ ոչ միայն որդիս, այլև ուրիշ երեխաներ ոսկե մեդալներ նվաճեն խոշոր մրցաշարերին»,- նշել է Նազարյանը։
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am