mamul.am
Ամբողջական տարբերակ
USD 483.14, EUR 549.38, RUB 7.23, GBP 613.64
+28 °C, +17 °C ... +32 °C Վաղը`+34 °C
Hay / Հայ | Рус | Eng | Tür
«Երկիր Ծիրանին» պահանջում է Սերժ Սարգսյանին մեղադրական ներկայացնել պետական դավաճանության համար
16:00, 24.05.2018

«Երկիր Ծիրանի» կուսակցության լրատվական ծառայությունը հաղորդագրություն է տարածել.

««Երկիր Ծիրանի» կուսակցության նախագահ Զարուհի Փոստանջյանը Սերժ Սարգսյանին մեղադրելով պետական դավաճանության մեջ՝ 2018 թվականի ապրիլի 9-ին ՀՀ գլխավոր դատախազին և ՀՀ հատուկ քննչական ծառայությանը հաղորդում է ներկայացրել հանցագործության մասին:

Չնայած այն հանգամանքին, որ տեղի ունեցավ Համահայկական մեծ ընդվզում, և Սերժ Սարգսյանը հեռացվեց Հայաստանի Հանրապետության վարչապետի պաշտոնից, այնուամենայնիվ, նրա կողմից հովանավորված իրավապահ մարմինները և դատախազությունը դեռ դրսևորում են հանցավոր անգործություն և շարունակում են ծառայություններ մատուցել նրան:

ՀՀ գլխավոր դատախազության կողմից Զարուհի Փոստանջյանի հաղորդմանը հանցագործության մասին (Սերժ Սարգսյանին պետական դավաճանության մեջ մեղադրելու վերաբերյալ) ընթացք չտալը՝ անգործություն դրսևորելը, «Երկիր Ծիրանի» կուսակցության նախագահն այսօր բողոքարկել է Երևան քաղաքի ընդհանուր իրավասության դատարան:

ՀՀ հատուկ քննչական ծառայությունից պատասխան դեռ չի ստացվել»:

Տեղեկացրե՛ք Ձեր մտերիմներին
| |
դեպի վեր