ՌԴ նախագահ Վլադիմիր Պուտինը պատրաստ է կարգավորել ԱՄՆ-ի հետ հարաբերությունները: «Գործիքները կարող են տարբեր լինել, այդ թվում և անձնական հանդիպումները»,- ասել է Պուտինը «Вести в субботу» ծրագրի շրջանակներում: Նրա խոսքով՝ կան հիմքեր մտածելու, որ Դոնալդ Թրամփի հետ երկխոսությունը կարող է կառուցողական լինել: Պուտինը նաև հույս է հայտնել, որ ԱՄՆ նախագահը կկատարի Մոսկվայի հետ հարաբերությունները կարգավորելու իր խոստումները: «Իսկապես, քննադատելու շատ առիթներ կան: Սակայն կա մեկ հանգամանք, որի մասին ես արդեն ասել եմ: Թրամփը պետք է կատարի իր խոստումները, որոնք տվել է նախընտրական քարոզարշավի ընթացքում»,- հավելել է ՌԴ նախագահը: Նա նաև ընդգծել է, որ երկու երկրների առաջնորդների փոխհարաբերությունները պետք է քաղաքակիրթ լինեն: |