ԱՄՆ նախագահ Դոնալդ Թրամփի ինքնաթիռը վայրէջք է կատարել Սինգապուրի ռազմաօդային ուժերի բազայում: Օդանավակայանից ուղիղ միացում են ապահովել ամերիկյան հեռուստաալիքները: Օդանավակայանից Թրամփն ուղևորվել է Shangri-La Hotel հյուրանոց: Ավելի վաղ Սինգապուր էր ժամանել Հյուսիսային Կորեայի առաջնորդ Կիմ Չեն Ինը: Վաղը՝ հունիսի 12-ին, կկայանա երկու երկրների առաջնորդների հանդիպումը: Սինգապուրում Թրամփը լրագրողների հետ զրույցում կիսվել է, թե ինչ ակնկալիքներ ունի Կիմ Չեն Ինի հետ հանդիպումից: Նա ասել է, որ լավատեսորեն է տրամադրված, սակայն Կիմ Չեն Ինի հետ հանդիպումը մեկանգամյա է անվանել, քանի որ նման հնարավորություն այլևս չի կրկնվի: Նրա խոսքով՝ սինգապուրյան հանդիպումը հնարավորություն է Կորեական թերակղզու իրավիճակը կարգավորելու համար: Նշենք, որ հանդիպումը կկայանա Սենտոսա կղզում Capella հյուրանոցում տեղական ժամանակով ժամը 9.00-ին: |