mamul.am
Ամբողջական տարբերակ
USD 483.14, EUR 549.86, RUB 7.16, GBP 613.68
+21 °C, +21 °C ... +33 °C Վաղը`+28 °C
Hay / Հայ | Рус | Eng | Tür
ԱՆ պարզաբանումը 5 ամսական երեխայի մահվան կապակցությամբ
18:20, 13.06.2018

Առողջապահության նախարարության մամուլի քարտուղար Լիանա Եղիազարյանը Facebook-ի իր էջում գրառում է կատարել.

«Ի լրումն առողջապահության նախարարության կողմից 5 ամսական երեխայի մահվան մասին տրամադրված տեղեկատվության՝ հայտնում ենք, որ հունիսի 7-ին Երևանում մահացած երեխայի ծնողները հանդիպել են առողջապահության փոխնախարար Սերգեյ Խաչատրյանի հետ և ներկայացրել իրենց դժգոհությունները:

Փոխնախարարը, առողջապահության նախարարության և նախարարի անունից խորին ցավակցություն հայտնելով, համապատասխան ծառայություններին հանձնարարել է իրենց լիազորությունների շրջանակներում ուսումնասիրել բժշկական հաստատություններում երեխայի վարման հետ կապված հարցերը՝ ներառյալ հղիության և ծննդաբերության ընթացքը և հետագա բժշկական հսկողությունը:

Միաժամանակ, ծնողներին փաստվել է, որ, համաձայն գործող օրենսդրության, իրավապահ մարմինների կողմից ընթանում է նախաքննություն, իրականացվում է դատաբժշկական փորձաքննություն, որոնց արդյունքները չափազանց կարևոր են երեխայի մահվան հետ կապված բոլոր հանգամանքները և պատճառահետևանքային կապերը բացահայտելու, իրականացված բուժօգնության լիարժեքությունը գնահատելու համար»:

Տեղեկացրե՛ք Ձեր մտերիմներին
| |
դեպի վեր