Արտակարգ իրավիճակների նախարարության մամուլի խոսնակ Նանա Գնդոյանը ֆեյսբուքյան գրառում է կատարել. «Հարգելի համաքաղաքացիներ, 14-ամյա երեխայի որոնողական աշխատանքների «ժամանակավոր դադարեցման» մասին լուրը սոցիալական ցանցի տեղեկատվական դաշտում տարածվել է որոշակի աղճատումներով։ Պարզաբանեմ՝ ՀՀ ԱԻՆ-ը տրամադրել է տեղեկատվություն այն մասին, որ որոնողական աշխատանքները ժամանակավորապես դադարեցվել են կոնկրետ ԱՐՄԱՎԻՐԻ մարզում, քանի որ ամբողջ մարզը հետազոտելուց հետո, քննարկման կարիք կար. արդյոք ճիշտ է կրկնակի հետախուզություն անել մարզում, թե ավելի նպատակահարմար է որոնողական այդ ուժերը գործուղել, այլ տարածքներ։ Ընդհանուր որոնողական աշխատանքներն ինքնին ՉԵՆ ԴԱԴԱՐԵՑՎԵԼ։ |