Mamul.am
Ամբողջական տարբերակ
USD 483.80, EUR 554.58, RUB 7.37, GBP 630.39
+13 °C, +12 °C ... +22 °C Վաղը`+21 °C
Hay / Հայ | Рус | Eng | Tür
«Անհրաժեշտ է դադարեցնել այս դիմակահանդեսը». Մարգվելաշվիլին դիմել է Իվանիշվիլիին
15:30, 14.06.2018

Բիձինա Իվանիշվիլին՝ որպես իշխող կուսակցության ղեկավար, պետք է երկրի վարչապետ դառնա: Այս մասին հայտարարել է Վրաստանի նախագահ Գեորգի Մարգվելաշվիլին «Վրաստանի Եվրոպական ուղի» համաժողովի ժամանակ, փոխանցում է «Грузия Онлайн»-ը:

Մարգվելաշվիլիի խոսքով՝ Վրաստանում անհրաժեշտ է դադարեցնել այն գործընթացը, երբ հանրությունը տեղյակ չի լինում, թե ով և ինչու է փոխում վարչապետերին:

Երեկ հայտնի էր դարձել, որ Վրաստանի վարչապետի պաշտոնից հեռացել էր Գեորգի Կվիրիկաշվիլին:

«Երեկ պարոն վարչապետը հրաժարական տվեց և ասաց, որ պետք է հնարավորություն տա կուսակցության ղեկավարին, այսինքն՝ Բիձինա Իվանիշվիլիին, համակարգել նոր կառավարությունը: Կարծում եմ՝ հանրությունը պետք է իմանա՝ ով և ինչու է փոխում վարչապետերին, այնպես, ինչպես նախորդ վարչապետ պարոն Ղարիբաշվիլիի հեռանալուց հետո մենք լսեցինք, որ նա հաջողակ վարչապետ էր: Կարծում եմ՝ դիմակահանդեսի այս շրջանը պետք է վերանա, և պետք է հանրությունն ու մեր օտարերկրյա գործընկերներն իմանան դրա պատճառը: Բիձինա Իվանիշվիլին՝ որպես իշխող կուսակցության ղեկավար, պետք է երկրի վարչապետ դառնա, եթե մենք խոսում ենք պատասխանատու քաղաքականության և պետական գործընթացի ձևավորման մասին»,- ասել է Մարգվելաշվիլին:

Տեղեկացրե՛ք Ձեր մտերիմներին
| |
դեպի վեր