ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Դանիայի դեմ խաղում հաղթելու բոլոր հնարավորություններն ունենք». Արագադ Աբրամյան
00:25, 25.06.2018 | mamul.am
3486 | 0

Երեկ Լիբանանի Բեյրութ քաղաքում ավարտվեց SSS միջազգային մրցաշարը, որտեղ Հայաստանի հավաքականը զբաղեցրեց երկրորդ հորիզոնականը: Մրցաշարի ավարտից հետո Հայաստանի հավաքականի խաղացող Արագադ Աբրամյանը, ով նաև ճանաչվեց մրցաշարի լավագույն խաղարկող, կիսվել է տպավորություններով։

«Երեկ մենք միասնական խաղ խաղացինք, դրա համար կարողացանք հասնել դրական արդյունքի և պետք է շարունակենք խաղալ նույն կերպ: Քաթարին մենք պարտվեցինք, հենց այն պատճառով, որ չէինք խաղում թիմային խաղ և չէինք խաղում ամբողջ ուժով: Բայց դա դաս եղավ և նման պարտությունները պետք են հետագայում դասեր քաղելու և սխալների վրա սովորելու համար։ Մենք նաև ընկերական հանդիպում ունենք վաղը ՝ հունիսի 25-ին. ժամը՝ 17:00-ին «Նուհադ Նաուֆալ» մարզադահլիճում Սիրիայի ազգային հավաքականի հետ, և հույս ունենք, որ հայ երկրպագուները կլինեն այնտեղ: Այս մրցաշարը մեզ շատ օգնեց պատրաստվելու հունիսի 28-ին Կոպենհագենում կայանալիք Եվրո-2021-ի նախընտրական փուլի Դանիա - Հայաստան հանդիպմանը: Դանիայի դեմ խաղում հաղթելու բոլոր հնարավորություններն ունենք»:

Կիսվի՛ր այս նյութով՝
դեպի վեր