Ճապոնիայում հորդառատ անձրևների հետևանքով 46 մարդ է զոհվել, ևս 48-ն անհետ կորած է համարվում: Այս մասին հաղորդում է NHK հեռուստաընկերությունը: 5 մարդ անգիտակից վիճակում է գտնվում: Ճապոնիայի տարբեր շրջաններ հայտնել են փլուզումների մասին: Հիրոսիմա պրեֆեկտուրայում փլուզվել է երկաթգծի կամուրջը: Երկրի վարչապետ Սինձո Աբեն իրավիճակը «չափազանց լուրջ» է անվանել: Բացի այդ, հաղորդվում է, որ իշխանությունների կողմից 3 միլիոն մարդ տարհանման հրաման է ստացել Ճապոնիայի 47 պրեֆեկտուրաներից 19-ում: |