Facebook սոցցանցի հիմնադիր Մարկ Ցուկերբերգը` 81,6 միլիարդ դոլար կարողությամբ, զբաղեցրել է երրորդ տեղը Bloomberg-ի վարկածով աշխարհի ամենահարուստ մարդկանց վարկանիշային աղյուսակում: Նա առաջ է անցել Bank of America-ի խոշոր բաժնետեր Ուորեն Բաֆեթից: Գործակալությունը նշում է, որ Ցուկերբերգի կարողությունն աճել է հունիսի 6-ին Facebook-ի բաժնետոմսերի 2,4% աճի ֆոնին: Microsoft-ի հիմնադիր Բիլ Գեյթսը` 94,2 միլիարդ դոլար կարողությամբ, զբաղեցրել է երկրորդ տեղը: Առաջին տեղում կրկին Amazon-ի հիմնադիր Ջեֆ Բեզոսն է, ում կարողությունը գնահատվում է 142 միլիարդ դոլար: |