Թաիլանդի Թհամ Լուանգ քարանձավից փրկել են վերջին՝ 12-րդ աշակերտին ու մարզչին: Նրանք փրկվելուց հետո ուղևորվել են հիվանդանոց: Ընդհանուր առմամբ՝ այսօր քարանձավից հանել են 5 մարդու: Բոլորին դուրս հանելուց հետո քարանձավից դուրս են եկել նաև փրկարարներն ու ջրասուզակները:

Հիշեցնենք, որ 11-16 տարեկան դեռահաս մարզիկների խումբը հունիսի 23-ի արշավի էր գնացել քարանձավ և չէր կարողացել դուրս գալ, քանի որ հեղեղները փակել էին դրա մուտքը: