ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Էնպես չլինի, որ օրինապաշտ քաղաքացիները հիմարի դերում զգան իրենց». Հայկ Բաբուխանյանը՝ տուգանքների համաներման մասին
12:20, 11.07.2018 | mamul.am
4509 | 0

Արդեն հայտնել էինք, որ ԱԺ-ն քննարկում է «Մի շարք վարչական իրավախախտումների համար կիրառված տուգանքների համաներման մասին» օրինագիծը, որով նախատեսվում է մինչև 2017-ի դեկտեմբերի 31-ը ճանապարհային կանոնների վարչական իրավախախտում կատարած անձանց նկատմամբ համաներում հայտարարել: Քաղաքացիներին զիջվող գումարի չափը շուրջ 13,7 մլրդ դրամ է կազմում, վարչական պատասխանատվությունից կազատվեն շուրջ 150 հազար անձինք:

Քիչ առաջ ելույթ ունեցավ ՀՀԿ խմբակցության պատգամավոր Հայկ Բաբուխանյանը.

«Լավն է նախագիծը, բայց կիսատ, իսկ ցանկացած կիսատ բան կարող է դառնալ վատը: Էնպես չլինի, որ այն քաղաքացիները, ովքեր բարեխիղճ են ու օրինապաշտ, հիմարի դերում զգան իրենց: 150 հազարին ներում ենք, լավ ենք անում, բա էն մի միլիոնը, որ վճարել է տուգանքները, ինչո՞ւ պիտի հիմարացված վիճակում լինի: Առաջարկում եմ մտցնել վաուչերի գաղափար ու նրանք, ովքեր կներկայացնեն իրենց վճարումները, հենց տուգանք լինի, դրանից սկսի նվազել»,- ասաց պատգամավորն՝ անդրադառնալով նաև «կարմիր գծերի» թեմային. «Չեմ հասկանում՝ կարմիր գծերի տուգանքներն ինչո՞ւ չեն մտել համաներման մեջ... Էն օրը 15 րոպե կանգնել եմ, 16-ին վճարել, ասում են՝ 15-ի վերջին վայրկյանին պտի վճարեիր, ոչ թե 16-ի առաջին վայրկյանին, որովհետև պտի տուգանվես»,- ասաց Բաբուխանյանն՝ առաջարկելով լրացնել օրինագիծը:

Կիսվի՛ր այս նյութով՝
դեպի վեր