mamul.am
Загрузка...
Ամբողջական տարբերակ
USD 480.62, EUR 560.16, RUB 7.58, GBP 625.72
+30 °C, +21 °C ... +35 °C Վաղը`+32 °C
Hay / Հայ | Рус | Eng | Tür
«Նիկոլ Փաշինյանի կարևոր շեշտադրումը՝ Բրյուսելում». Ռուբեն Ռուբինյան
17:30, 12.07.2018

ՀՀ փոխարտգործնախարար Ռուբեն Ռուբինյանը Ֆեյսբուքում գրել է.

Վարչապետ Փաշինյանը Բրյուսելում ասել է, որ ադրբեջանական ցանկացած հարձակում Հայաստանի դեմ հարձակում է նաև ժողովրդավարության դեմ։

Սա շատ կարևոր շեշտադրում է ու շատ կարևոր ուղերձ, որովհետև ղարաբաղյան հակամարտությունն ու դրանից բխող մշտական սահմանային լարվածությունը, որքան էլ Ադրբեջանն այն փորձի ներկայացնել որպես այդպիսին, իր էությամբ պարզապես տարածքային վեճի արդյունք չէ։ Սա հակամարտություն է ժողովրդավարության ու բռնապետության, ազատ ինքնորոշման ու գերության, կառուցողականության ու ռազմատենչության, առաջադիմության ու հետադիմության միջև։

Ու հենց սա պիտի ըմբռնի միջազգային հանրությունն ու սկսի գործել այս իրողությանը համապատասխան։

Տեղեկացրե՛ք Ձեր մտերիմներին
| |
դեպի վեր