«Չեք հավատա, բայց սա Սևանն է: Մարտունու շրջանում Սևանի գրեթե ամբողջ ափն այս վիճակում է», «Միայն Մարտունին չէ, այսօր նաև Շորժայի հատվածից էին տեսանյութ հրապարակել»,- համացանցում ահազանգում են օգտատերերը: Ոմանք սա բացատրում են ջրիմուռների ծաղկման շրջանով, իսկ բնապահպան Լևոն Գալստյանն արձագանքում է. «Մենակ էս տարի որոշեցին ծաղկել ջրիմուռները, թե՞ ամեն տարի այսպես է լինում։ Մարդիկ ասում են` չեն հիշում այսպիսի բան... Ջրի «ծաղկմանը» նպաստում է կենսածին նյութերով (ֆոսֆոր, ազոտ, օրգանական միացություններ) ջրամբարների աղտոտումը, որի հետևանքով փոխվում են ջրի գույնը, որակը, խախտվում էկոհամակարգը, վատթարանում ջրավազանի թթվածնային ռեժիմը»: