ՀՀ վարչապետ Նիկոլ Փաշինյանի որոշմամբ, օրեր առաջ Արմեն Ղուլարյանը նշանակվել է ՀՀ քաղաքաշինության կոմիտեի նախագահի առաջին տեղակալ: Արմեն Ղուլարյանը 15 տարի եղել է Տավուշի մարզպետը, ՀՀԿ-ական է: Ասում են՝ Ղուլարյանին ՀՀԿ-ում կամենում էին պատժել ու պաշտոնանկ անել դեռևս Իջևանի քաղաքապետի ընտրություններից հետո (2011թ.), երբ նա չէր կարողացել քաղաքապետ դարձնել կուսակցին, սակայն հետո որոշվեց նրան պահել՝ աշխատեցնելու համար նախագահի 2013-ի ընտրություններում: Այդ ընտրություններում ևս, սակայն, Սերժ Սարգսյանը նրանից դժգոհ էր: 2014-ին Ղուլարյանը հրաժարական տվեց: Ղուլարյանից դժգոհում էին հատկապես սահմանամերձ գյուղերի բնակիչները. վերջինները մարզպետի կողմից մտահոգություններ չէին տեսնում, ավելին, շատերն ասում էին, թե մարզպետը շատ գյուղերի ճանապարհն էլ չգիտի, երևի չի ցանկանում վտանգել իր կյանքը: |