Պատմաբան Ռուբեն Շուխյանը ֆեյսբուքյան իր էջում գրել է.

«Գովազդային վահանակն անհրաժեշտ է ապամոնտաժել.
Պատկան մարմինների ուշադրությանն եմ ցանկանում հրավիրել լուսամփոփի տեսքով ահա այս գովազդային վահանակի վրա, որը գտնվում է Երևանի Կարապի լճում՝ կղզու հարևանությամբ: Գտնում եմ, որ վահանակն այս վայրում տեղադրելն ուղղակի անընդունելի է, քանի որ ամբողջովին խաթարում է պուրակային ճարտարապետության փայլուն նմուշ հանդիսացող Կարապի լճի ընդհանուր հորինվածքը: Ուստի հորդորում եմ` գովազդային նշված լուսամփոփ- վահանակը լճի տարածքից դուրս հանել և տեղադրել մեկ այլ վայրում»: