Օգոստոսի 11-ին Թբիլիսիում կայացած ՈՒԵՖԱ-ի Սուպերգավաթի խաղարկության՝ «Բարսելոնա» - «Սևիլիա» հանդիպումից հետո կատալոնացիների պաշտպան Խերարդ Պիկեն վիրավորել է Մադրիդի «Ռեալ»-ին։ «Գրողի ծոցը «Ռեալ»-ը։ Թող Մադրիդում նայեն, թե ինչպես ենք մենք հերթական տիտղոսը նվաճում»,- ասել է Պիկեն։ Հիշեցնենք, որ «Բարսելոնա»-ն 5-րդ անգամ նվաճել է ՈՒԵՖԱ-ի Սուպերգավաթը և այդ ցուցանիշով հավասարվել «Միլան»-ին։ Ավելի վաղ կատալոնացիները գավաթակիր էին դարձել 1992, 1997, 2009 և 2011 թվականներին։ |