Ազատության հրապարակում ավարտվեց հանրահավաքը: Այս պահին տեղի է ունենում երթ` վիրավոր «Սասնա ծռերին» պատշաճ բժշկական օգնություն ցույց տալու պահանջով։ Ինչպես նշեցին հանրահավաքի կազմակերպիչները, երթը կավարտվի Արշակունյաց պողոտայում: Հիշեցնենք, որ նշված պողոտայում գտնվող մամուլի շենքի ետնամասում է գտնվում դատապարտյալների հիվանդանոցը: Երթի մասնակիցները կփորձեն իրենց վանկարկումներով քաջալերել և ոգևորել «Սասնա ծռերի» անդամներին: Հաջորդ հանրահավաք-երթը տեղի կունենա սեպտեմբերի 2-ին` նվիրված Սասնա ծռերի քաղաքական պահանջներին և ի պաշտպանություն քաղաքական հայացքների համար ազատազրկված տղաների: |