Կոնդի խաբված բնակիչներն այսօր բողոքի ակցիա են արել կառավարության շենքի դիմաց և ի նշան բողոքի` փակել Վազգեն Սարգսյան փողոցը:
«Մենք ստիպված ենք այս քայլին դիմում, արդեն այլ քայլ չի մնացել անելու, ամեն անգամ մեզ խաբում են ու արդեն քանի տարի է՝ մեր բնակարանների խնդիրը չի լուծվել»,- լրագրողների հետ զրույցում ասաց խաբված բնակիչներից Օֆելյան:
Հիշեցնենք` 2007 թվականին իրացման գոտի ճանաչված Կոնդ թաղամասում քանդվել են մոտ 200 ընտանիքների տներ: Մարդիկ մնացել են անօթևան, իսկ «Դաուն-Թաուն» ընկերությունը, որը պարտավորվել էր այս ընտանիքներին տներով ապահովել, թաղամասում կառուցվող շենքի շինաշխատանքները կիսատ է թողել: