Մինչ Սփյուռքի նախարարությունը հայտարարում է, թե սիրիահայերը չեն ուզում գալ Հայաստան, վերջինները լրատվամիջոցների միջոցով աղերսում են հայրենի իշխանությանը` փրկել իրենց պատերազմի կիզակետում հայտնված Սիրիայից, մասնավորապես` Հալեպից: Ի դեպ, Հայաստան ժամանած սիրահայերը ևս նախանձելի պայմաններում չեն գտնվում: Համաձայն շրջանառվող լուրերի, կառավարությունը նրանց խաբել է, կորզել վերջին գումարներն ու թողել անպաշտպան:
Ասում են՝ սիրիահայերի առաջին խմբերին վստահեցրել են, թե իրենց համար բնակելի թաղամաս են կառուցում, բայց պետք է այնտեղ բնակարան ստանալու համար կանխավճար թողնել: Սիրահայերը միամտորեն տվել են իրենց հոգեպահուստները, բայց տարիներ են անցել, այնինչ ոչ բնակարանը կա, ոչ էլ հույս, որ այն երբևէ կկառուցվի: Ասում են նաև, թե կառավարությունը գիտի, որ այլևս վստահություն չի ներշնչում և չի կարող խաբելով կողոպտել հայրենադարձվածներին, դրա համար էլ միջոցներ չի ձեռնարկում Սիրիայում ապրող մեր հայրենակիցներին Հայաստան հասցնելու համար: