Վարչապետ Կարեն Կարապետյանը կառավարության նիստի ընթացքում կարծիք է հայտնել, որ մեզ անհրաժեշտ է էժան էլեկտրաէներգիա արտադրել, որպեսզի այն վաճառելն ավելի շահավետ լինի. «Էներգետիկ ենթակառուցվածքների և բնական պաշարների նախարարին հանձնարարում եմ վերանայել հանրապետության էներգետիկայի զարգացման ռազմավարությունն ու շարունակել ինքնարժեքի կրճատման հնարավորությունները։ Մենք մի քանի տարուց շահագործելու ենք դեպի Իրան և Վրաստան էլեկտրահաղորդման գծերը, իսկ դա նշանակում է, որ էլեկտրականություն արտահանելն ավելի հեշտ կլինի, և կարտահանվի ավելի շատ»,- հայտարարել է նա: