Կառավարության նիստում այսօր որոշում է ընդունվել փակել տրանսպորտի նախարարության «Երկաթուղու շինարարության տնօրինություն»-ը։ Կառավարության նիստից հետո լրագրողների հետ զրույցում տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն նշել է,որ ընկերությանը փակվելը չի ազդելու հայ-իրանական երկաթուղու շինարարության ծրագրի կյանքի կոչման վրա: «Նախարարության կազմում գործում է «Երկաթուղու վարչություն», որը կարող է վարել համապատասխան գործառույթները»,- ասել է նախարարը: Նրա խոսքով՝ կառավարությունը շարունակում է հետաքրքրված մնալ այդ ծրագրով և դրա իրականացումը ոչ մի դեպքում դուրս չի մնալու կառավարության ուշադրությունից: Այն դիտարկմանը, թե արդյոք իրատեսական է համարում երկաթուղու կառուցումը՝ նախարարն ընդգծել է. «Ցանկալի է, որ լինի, և դրա իրագործման համար աշխատանքներ կատարվում են»: