2013թ․ նոյեմբերի 5-ին Երևանի Ազատության հրապարակում հեղափոխության ակցիա իրականացնելու համար կալանավորված Շանթ Հարությունյանի համախոհը՝ Վարդան Վարդանյանը 21 օր է` շարունակում է հացադուլը: Շանթ Հարությունյանի որդին` Շահեն Հարությունյանը, ֆեյսբուքյան իր էջում գրել է.
«Նորից ուզում եմ հիշեցնել բոլորին, որ պահեստազորի փոխգնդապետ՝ ներկայում քաղբանտարկյալ Վարդան Վարդանյանը, ով 2013թ. նոյեմբերի 5-ից ի վեր Շանթ Հարությունյանի և մյուս ընկներների հետ բանտում է՝ «Վարդաշեն» ՔԿՀ-ում, 2016թ. դեկտեմբերի 26-ին անժամկետ հացադուլ է սկսել` անազատության մեջ գտնվող հազարավոր կալանավորների ազատության պահանջով, ովքեր երկար ժամանակ է սպասում են համաներման: Հատուկ նշեմ, որ Վարդանն անձամբ համաներման չի սպասում, իսկ եթե լինի, չի ընդունելու և հրաժարվելու է»:
Ավելի վաղ տեղեկացրել էինք, որ նա պահանջում է երկրի նախագահից հունվարի 28-ին՝ Բանակի օրվա առթիվ, համաներմամբ ազատ արձակել համաներման սպասող բոլոր բանտարկյալներին։