+13 °C, +13 °C ... +27 °C Վաղը`+26 °C
Կրետեում, Իերապետրա քաղաքի մոտակայքում, վերջին օրերին տեղացող հորդառատ անձրևները պատճառ են դարձել, որ հողի տակից երևան գա անգնահատելի մի գանձ` մարմարյա արձանիկ` կատարյալ գեղեցկությամբ կնոջ պատկերով: 30-ամյա ֆերմեր Միխալիս Բախլիձանակիսն իր մեքենայով երթևեկելու ժամանակ նկատել է, որ արձրևաջրերից առաջացած առվի մեջ տարօրինակ բան է ճերմակին տալիս: Հետաքրքրությունից դրդված` նա մոտեցել է և նկատել արձանիկը: Հասկանալով, որ գտածոն արժեքավոր է, Միխալիսն այն անմիջապես տարել է տեղի հնագիտական ինստիտուտ, որտեղ էլ հաստատել են, որ այն բացառիկ արժեք ունի: Արձանիկի մասին մանրամասն տվյալներ հայտնի կդառնան վերլուծություններից հետո: Ամենայն հավանականությամբ, այն կամ զարդարել է որևէ պալատ, կամ էլ դրված է եղել տապանաքարի վրա: Արձանիկի վրա պատկերված կնոջ բարդ սանրվածքից կարելի է եզրակացնել, որ այն ստեղծվել է մոտավորապես 3-րդ դարում: Ժամանակակից Իերապետրայից ոչ հեռու հնում ծաղկում է ապրել Իերապիտնա անտիկ քաղաքը: Դրա հնագիտական գանձերից շատերը դեռ գտնվում են հողի տակ` սպասելով իրենց ժամին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am