ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +3 °C ... +13 °C Վաղը`+16 °C
ՍԱՊԾ-ն` տոնական օրերին մսի իրացման 580 կետերում խախտումների մասին
14:40, 16.01.2017 | mamul.am
2423 | 0

ՀՀ ԳՆ ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանը հունվարի 16-ին մամուլի ասուլիսում ներկայացրել է տոնական օրերին ծառայության կողմից իրականացված աշխատանքների արդյունքները:
«Հաշվի առնելով նախատոնական և հետտոնական օրերին առևտրի ծավալների աճն ու ակտիվացումը, ինչպես նաև դրանովպայմանավորված ռիսկերը՝ Երևան քաղաքում և հանրապետության բոլոր մարզերում ձևավորել են աշխատանքային խմբեր, որոնք2016 թվականի դեկտեմբերի 23-ից մինչև 2017 թվականի հունվարի 8-ը ներառյալ առևտրի կենտրոններում, պարենային ապրանքի խանութներում (ընտրանքային կարգով) և մսի վաճառքի կետերում իրականացվել են հսկողական շրջայցեր:
Խստացված վերահսկողության շրջանակներում ուսումնասիրվել են տնտեսավարող սուբյեկտների կողմից իրացվող սննդամթերքի (հատկապես արագ փչացող սննդամթերքի) պիտանիության ժամկետին և պահման պայմաններին, իրացվող մսի և մսեղիքի պահման պայմաններին և հիգիենային ներկայացվող պահանջներին համապատասխանության փաստը:
Ընդհանուր առմամբ, հանրապետության ողջ տարածքում շրջայցեր են իրականացվել 816 տնտեսավարող սուբյեկտների մոտ, որոնցից 580-ում արձանագրվել են անհամապատասխանություններ, մասնավորապես՝ առանց սահմանված կարգի մակնշման սննդամթերքի իրացման դեպքեր, պահման պայմանների անհամապատասխանություններ, մսի իրացման որոշ կետերում՝ առանց անասնաբուժասանիտարական փորձաքննության մսեղիքի իրացման դեպքեր: Հայտնաբերված բոլորանհամապատասխանութունների դեպքում իրացվող սննդամթերքը, միսը կամ մսեղիքը հանվել է շրջանառությունից և, նման խախտումները բացառելու համար, տրվել են անհրաժեշտ ցուցումներ:
Ծառայության շուրջօրյա «թեժ գծին» տոնական օրերին ստացվել է 163 զանգ, որոնցից 12-ը՝ բողոք, իսկ 151-ը՝ խորհրդատվություն: Բողոքները վերաբերել են մսամթերքի, թռչնամսի որակին, մակնշման թերություններին: Հիվանդություններիվերահսկման և կանխարգելման ազգային կենտրոնից ստացվել է մեկ զանգ թունավորման վերաբերյալ, սակայն մերուսումնասիրությունների արդյունքում պարզվել է, որ թունավորումը սննդային չէ: Քաղաքացիներին՝ առավելապես սննդի շղթայումգործունեություն իրականացնողներին, հետաքրքրել են ծառայության էլեկտրոնային գրանցամատյանում գրանցվելու կարգը,սահմանային ու հսկողության մանրամասները, արտադրություն կազմակերպելու համար անհրաժեշտ պայմանները և այլն: Բոլորհարցերի վերաբերյալ տրվել է անհրաժեշտ տեղեկատվություն և խորհրդատվություն:
Հաշվի առնելով ներմուծման և արտահանման ծավալների ավելացումը՝ ծառայությունը, ՀՀ վարչապետի հանձնարարությամբ, աշխատել է սահմանային վերահսկողության հատուկ ռեժիմով ու հերթապահությամբ՝ ապահովելով սննդամթերքի ներմուծման և արտահանման անխափան ու արագ ընթացքը շաբաթ, կիրակի և տոնական օրերին: Միայն դեկտեմբրի 31-ից մինչև հունվարի 8-ն ընկած ժամանակահատվածում ձևակերպվել է ծառայության ենթահսկման բեռների 160 հայտ, որոնցից 85 վերաբերել է ներմուծմանը, իսկ 75-ը՝ արտահանմանը»,- հայտնում են ծառայությունից:

Կիսվի՛ր այս նյութով՝
դեպի վեր