ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
Արամ Շահբազյանի ֆիլմերը կցուցադրվեն «Նարեկացի» արվեստի միությունում
15:45, 16.01.2017 | mamul.am
2200 | 0

Հունվարի 18-ին՝ «Նարեկացի» արվեստի միությունում կցուցադրվեն կինոռեժիսոր Արամ Շահբազյանի «Որդան կարմիր» և «Ձայներ ներսից» վավերագրական ֆիլմերը:
Կինոռեժիսորի «Ձայներ ներսից» ֆիլմը ցարական ժամանակներից մեզ հասած երկաթուղու կայարանների և կամուրջների, ինչպես նաև նրանց մերձակայքում ապրող մարդկանց մասին է: Իսկ «Որդան կարմիրը» պատմում է հայկական որդան կարմիրի մասին՝ ներկայացնելով նրա հրաշագործ հատկությունները:
Արամ Շահբազյանը բազմաթիվ վավերագրական ու կարճամետրաժ ‎ֆիլմերի ռեժիսոր է: 2004-05-ին երևանյան «Ես եմ» միջազգային երիտասարդական կինոփառատոնում արժանացել է «Լավագույն ռեժիսոր» մրցանակին: Որպես ռեժիսոր հանդես է եկել «Հաշվետվություն ընթրիքի ժամանակ», «Լավաշ», «Ներսը և դուրսը», «Քյարիզ», «Ապոն կանչեց», «Մի վախեցիր», «Երևանյան ռեգթայմ», «Տաքսի, էլի լավա» և այլ ֆիլմերում:

Կիսվի՛ր այս նյութով՝
դեպի վեր