Մշակույթի նախարարության ներկայացուցիչներն այսօր այցելել են Գյումրի և տեղում գնահատել Գյումրիի նշանավոր «վառեմ-մարեմ» պատշգամբի և ամբողջ շենքի վերանորոգման կարիքները։ Դեռևս դեկտեմբերի սկզբին Գյումրի այցելությանը նախարար Արմեն Ամիրյանը լրագրողներին ասել էր, որ միայն պատշգամբը «փրկելը» սխալ է, և չվերանորոգված շենքի վրա նորոգ պատշգամբն անհեթեթ կդիտվի, ուստի պետք է աջակիցներ գտնել՝ նաև տանիքի հարցը լուծելու, եթե ոչ հիմնովին, ապա որոշակի վերանորոգում իրականացնելու համար։