Ինչպես հայտնել էինք, Կենտրոն և Նորք Մարաշ վարչական շրջանների ընդհանուր իրավասության դատարանում դատավոր Մնացական Մարտիրոսյանի նախագահությամբ շարունակվող դատական նիստում «տոնածառի գործով» ամբաստանյալ Գևորգ Սաֆարյանի ճառից հետո դատավորը հեռացել էր խորհրդակցական սենյակ՝ պատրաստելու դատական վճիռը: Եվ ահա, սահմանված ժամին` 17.30-ին, դատարանը վերադարձավ ու հայտարարեց վճիռը. «Գևորգ Սաֆարյանին ճանաչել մեղավոր ՀՀ ՔՕ 316 հոդվածի 1-ին մասով և դատապարտել ազատազրկման 2 տարի ժամկետով` պատժի կրման սկիզբը հաշվելով 2016-ի հունվարի 1-ից»,- հայտարարեց Մնացական Մարտիրոսյանը: Ներկաները դահլիճից բացականչեցին՝ «ամոթ»: |