Ինչպես անդրադարձել էինք, հայ մեծանուն դերասանուհի Վերջալույս Միրիջանյանի ծննդյան 100-ամյակին նվիրված, դերասանուհու թոռը՝ ռեժիսոր Տիգրան Իսկուդարյանն իր ընկերների հետ ստեղծել է վավերագրական լիամետրաժ «Վերջալույս» ֆիլմը: Ֆիլմում ռեժիսորն օգտագործել է արխիվային նյութեր, որոնք ավելի քիչ են լուսաբանված: «Հարսնացուն հյուսիսից» ֆիլմում Արուսյակ Վարդանյանի կերպարը մարմնավորած դերասանուհին միշտ երազել է դրամատիկ դերերի մասին, սակայն նրա ամենահիշվող դերերը կատակերգություններում են: «Նույնիսկ երբ էպիզոդիկ դեր էր խաղում, ամբողջը վերցնում էր իր վրա»,- հիշում է ռեժիսոր Հարություն Խաչատրյանը: |