***
Միշտ այսպե՛ս նայեի քո աչքերի մեջ,
Գիշեր ու ցերեկ նայեի անվերջ,
Առավոտները շուտ արթնանայի,
Անվերջ նայեի քո աչքերի մեջ:
Ու երբ գիշերը հոգնած տուն գայի՝
Նրանք, լուսնի պես ի՛նձ էլ լույս տային,
Իմ լո՜ւյսը փնտրեի քո աչքերի մեջ:
……………………………………….
Կիսախելագար, կիսացավագար
Թափառում եմ ես խուլ փողոցներում,
Հետապնդում են ինձ քո աչքերը,
Ու նորից տուն են կանչում կարոտով:
Օ՜, աչքե՜ր, իմ սո՛ւրբ ու աստվածային,
Մարիամի նման երկնային իմ տուրք,
Քո խարույկն արա, քեզ մոտ եմ գալիս՝
Այրվելու նորից… ես քո աչքերում:
Չեմ ասում ես քեզ բարի գիշերն իմ,
Չեմ ասում, որ դու երբեք չփակվե՜ս…
Աստղերի նման՝ երկնակամարից
Իմ աչքերի մեջ դու պիտի վառվես…