Քո սեգ լանջերին ես որոնեցի
Իմ երջանկության ծաղիկը չքնաղ,
Քո աղբյուրների ջրով ցողեցի
Իմ կարոտների կրակները տաք:
Քեզ որոնեցի ձորերում թավիշ,
Լեռնալանջերին, քարափների տակ,
Մացառների մեջ, անդունդներում խոր,
Պարտեզներում պերճ, արտերում խաղաղ:
Բայց չգտա քեզ ո՛չ հովիտներում,
Ո՛չ լեռնալանջին Նեմրութա սարի..
Ա՜խ, ե՞րբ եմ, ե՞րբ եմ ես քեզ գտնելու
Կորուսյալ երկրիս կորուսյալ ծաղիկ:
ԱՆԱՀԻՏ («Սեր և անջրպետ» գրքիցս)