ՊԻտի շարունակվի մեր գարունը, ու պիտի բազմանանք մենք... ՇԱՐՈՒՆԱԿՎՈՂ ԳԱՐՈՒՆ օր ոգեկոչման ու հիշատակի... ......................................................... Նայեցե՛ք, ահա, աշխարհի բոլոր ծագերում այսօր, ուր հայի շունչ կա, հեղեղ է հուժկու, կենսահորդ շռինդ, աննահանջ հոսանք ու թափ վարարուն, աշխարհածավալ անհուն խոնարհում՝ առ միլիոն ու կես նահատակների՝ անմեղ հայորդաց ընդհատված գարուն, ընդհատված ամառ, ընդհատված աշուն, ընդհատված ձմեռ-սրտի ընդհատված չորս եղանակներ.... և բռնկումներ արդար ցասումի, ու ցավից հունցված կարոտներ անշեջ, կսկծաշաղախ իը՜նչ երազանքներ, թևում են ահա երամներ ինչպես, դեպի Մուշ ու Վան, Կարի՜ն, Արդահա՜ն, Եփրատ արնածուփ, մահաշունչ Դեր-Զոր... թևում են ահա երամներ ցավի, բայց նաև հույսի, անբեկ հավատի, ու այնտե՜ղ, այնտեղ՝ մեր հին Էրգրում, երամներն այդ ձուլվում են ի մի, ու դառնում մի հավք, մի հավք հազարան, և բոցավառվող թռչնից այդ հրաշք, պոկվում է կրկին հուրը կարոտի, դառնում ընդվզում, արդարի պահանջ ու խարույկ անհուն, անընդգրկելի, ոգեկոչելով հուշը արդարոց... բոցավառվու՜մ է Հավքը Հազարն, ու բոցափետուր իր թևերի տակ շարունակվում է սրտերում հայոց գարունն ընդհատված՝ Արցախից Կարին ու Անիից Վան... Եվ ահա, տեսե՛ք, ապրիլ է նորից, բայց ոչ կականիու ողբի ապրիլ, այլարադր դատի հույս ու հատով պայքարի՜ ապրիլ.. ............................................................... Ապրիլի քսանչորս... օր ոգեկոչման ու հիշատակի... ........................................................ ԱՆԱՀԻՏ ԲՈՍՏԱՆՋՅԱՆ |