...Տարիների հեռվից նկատում ենք մի պայծառ լույս, որ կարևորվում է հայրենաշինությամբ, հայապաշտությամբ, համամարդկային և պատմական արժեքների անսահմանությամբ, Արարատյան գոյությունն՝ հավերժական բազմաբնույթ և բազմագույն արժեքների արտացոլմամբ, որի կրողն ու ջահակիրը 21-րդ դարից ներս մտնող Առաքյալն էր՝ ՎԱԶԳԵՆ ԶԻՆՎՈՐԸ, ԳԱՂԱՓԱՐԱԽՈՍՆ ՈՒ ՍՊԱՐԱՊԵՏԸ... - Այս երկիրը բառերով սիրելու երկիր չի... Նորից խորհում եմ քեզ հետ, այո՛, այս երկիրը անսպառ սիրո զարմանահրաշ երկիր է, որքան էլ նաև անհասկանալի, և ուրիշների կողմից անչափ ատելություն վաստակած, հավատքի պատճառով հալածված երկիր է: Այստեղ բախվում են աշխարհի, , շահերն, , ՝ ամենախոշոր փոթորիկներն ու աղետները: Դրանք բախվում են մեր դարավոր անէջ պատմության քարերին ու ցրիվ գալիս, քանի որ քարից այն կողմ քար կա, սարից այն կողմ՝ սար, ջրից էն կողմ՝ ջուր, երկնքից վերևը երկինք կա: Աստվածային արարչագործություն, անսպառ եռանդ և հաղթանակի հասնելու մեծ կամք, անդադրում պայքար, անդուլ աշխատանք, ընտանիքապաշտություն և ցեղապաշտություն... Այսպես դու կանգնած ես աշխարհի բոլոր ճամփեքի խաչմերուկներում, և դրանցով անցնող խմբերը առանց մտածելու, մտավոր կամ վայրի, քո գլխին են մաղում դարերի փոշին, որ արտևունքներիդ վրայով սահում, և խոժոռ ու այրող հայացքիդ ներքո՝ լույս ու ջերմություն են տալիս մարդկանց: Այսօր էլ մեր հետ ապրում ես, մեզ հետ տանում ես անցյալի և գալիքի դժվարին ու երջանիկ, դաժան ու բարեգութ ընծաները, որի հավերժական դափնիները՝ Ազգ-Պետություն-Բանակ և հավատավոր Հայաստանն է եռագույն ժապավենով պատված: Շնորհավորում եմ մեզ և ողջ ազգիս, որ ծնվեցիր ԴՈՒ, ՎԱԶԳԵՆ... Բանակը քո զավակն է, հայրենիքը՝ քո մայրը, պետությունը՝ քո հայրը: Քո բանակը մեծացավ, առնականացավ, և նրա վրա է հենվում այսօր Հայոց պետականությունը: Փառք քո մորը, և այն մայրերին, որ քո նման զավակներ են ծնել: Աստվածատուր ՊԵՏՐՈՍՅԱՆ |