Կինձին այն բազմաթիվ օդաչու-կամիկաձեներից մեկն է եղել, որը նախապատրաստվել է իր կյանքը զոհաբերել հանուն հայրենիքի: Բայց պատերազմը, հակառակ իր ենթադրության, շուտ է ավարտվել, ու նա արժանապատվորեն մեռնելու հնարավորությունից զրկվել է: Այս իրողությունը Կինձիի համար այնքան դառն է եղել, որն նա խորապես ընկճվել է ու կորցրել է հետաքրքրությունը կյանքի հանդեպ: Չկարողանալով որոշակի զբաղմունք գտնել՝ նա սկսել է քաղաքում անննպատակ դեգերել:

Մի օր էլ, հերթական աննպատակ դեգերումների ժամանակ, նա տեղեկանում է, որ մի հանցագործ տարեց կնոջն իր իսկ բնակարանում պատանդ է վերցրել: Ոստիկանությունը չի համարձակվել բնակարան ներխուժել, որովհետև հանցագործը զինված է եղել:

Չանսալով ոստիկանների նախազգուշացումներին՝ Կինձին համարձակորեն բնակարան է ներխուժել ու պահանջել է, որ հանցագործն ազատ արձակի կնոջը: Հանցագործը, բնականաբար, չի ենթարկվել պահանջին, ու նրանց միջև ձեռնամարտ է սկսվել: Կինձիին հաջողվել է սպանել հանցագործին, բայց ինքն էլ մահացեւ վերքեր է ստացել: Որոշ ժամանակ անց նա հիվանդանոցում մահացել է՝ գոհունակ ժպիտը դեմքին. իրականացել էր արժանապատիվորեն մեռնելու նրա երազանքը: