Իմ սերը այսօր «տխուր» է հագել, Եվ ասող չկա թե ի՞նչ է եղել, Կարո՞տն է խեղդել, Թե՞ մի դառը խոսք, Թե՞ հոսքը Դեպի քեզ եկող օտար աչքերով Օտար դեմքերի Կամ ինչ-որ մեկն է կտրուկ ասել թե. - Էլ քեզ չե՛մ ների… Իմ սերը այսօր «տխուր» է հագել Ու նմանվել ե մենա՜կ աղավնու, Որը թառել է ավերակ վանքի Քանդված մի պատին Ու շուրջը չկա՜ ուրիշ աղավնի… Հեռո՜ւ Այդ օտա՜ր փոքրիկ քաղաքում- Ուր վաճառվո՛ւմ է նաև Տրամադրությո՜ւնը, Թող փորձի մեկը դե՜մքը նկարել, Եվ գիտե՞ք արդյոք թե ինչ կստացվի՝ Օտա՜ր նկարչի, օտա՜ր վրձնով Կստացվի անտարբե՜ր Աչքերով պատկեր: Իսկ իմ աչքերում «Տխո՜ւր» է հագել, Ասես չեն՛ հուզում Անձրևն ու քամի՜ն օտար, Օտար արև՜ը, Օտար աչքե՜րը, «Բարև՜ը» օտար… Ասես թե պետք են միա՜յն ու միայն Հայի՜ աչքերը, Որ կարո՜տ, թախի՜ծ Ու հուզմունք կարդան Աչքերի խորքում - Այդ օտա՜ր, օտա՜ր Անիծված հողում… |