Ճանճին բռնում են, ասում՝ թռի, թռչում է, հետո թևերը պոկում են, ասում՝ թռի, էլ չի թռչում. այստեղից եզրակացություն՝ ճանճի ականջները թևերի վրա են:

Մեկը զոքանչին դնում է ուսերին, հարցնում են, թե զոքանչիդ շա՞տ ես սիրում` դրա համար ես դրել: Պատասխանում է` ոչ, ուղղակի դրել եմ, որ չտեսնեմ: Հիմա մենք որոշ պատգամավորների դրել ենք մեր ուսերին եւ կարծես թե նույն իրավիճակն է:

Մի անեկդոտ կար՝ Մեքսիկայում էր, թե որտեղ, ասում են՝ եթե փողը չեն մուծում, դիակները հանում դնում են պատի տակ: Հանկարծ սա չդառնա՞ գրավիչ բիզնես նախագիծ. մարդը մի քիչ փող ունենա, ասի գերեզմանոց բացեմ, որ իմ համար դառնա ժառանգական բիզնես:

Մեկին հարցնում են՝ Հայրենական պատերազմի ժամանակ քանի՞ մարդ է մահացել, սա ասում է՝ 20 միլիոն, ասում են՝ դե բոլորի անունն ասեք:

Մեկը նամակ է գրում տուն, ասում է` օրը 200կմ նահանջելով գալիս ենք, էսպես, որ գնա, տուն եմ հասնելու:

ԱՄՆ նախագահ Բարակ Օբաման զանգահարում է Սերժ Սարգսյանին ու խնդրում նրան աջակցել նախագահական ընտրություններում, որ անպայման ընտրվի։

Սերժ Սարգսյան էլ ԱՄՆ է ուղարկում Տիգրան Մուկուչյանին։ Երկու օր անց Բարաք Օբաման զանգահարում է Սերժ Սարգսյանին ու ասում. «Քո արածն արա՞ծ է»։ Սերժ Սարգսյանն ասում է` բայց ի՞նչ է եղել, չի՞ եկել Մուկուչյանը, Օբաման էլ պատասխանում է. «Եկել է, ուղղակի ԱՄՆ-ի ընտրություններում էլ ես դու հաղթել»

Բոլորով ենք գնում Մաքսային միություն, և այնպես չէ, որ կեսօրին գնում են Մաքսային միություն, գիշերը՝ ոչ: