Վերջերս տեսանյութ էի պատրաստում այն մասին, թե ավագ սերունդն ինչ է կարծում մեր սերնդի մասին: Պատասխանները բազմազան էին՝ անհավատից ու չարացածից մինչև աշխատասեր... Բոլորը հիմնականում բողոքում էին նրանից, որ մենք՝ երիտասարդներս, ականջակալները «խրում» ենք ականջներս, ու երբ մի ծեր կին է նստում, գլուխներս թեքում ենք ականջներիս ուղղությամբ ու չնկատելու ենք տալիս....
Անձամբ ես պապիկներին իսկապես տեղ չեմ տալիս. մի անգամ վեր կացա ավտոբուսում, խնդրեցի նստել ու պապիկը, զարմացած իր ծերությունից, սկսեց ջղայնանալ վրաս` կարողա՞ գիտես պապուդ թայ եմ, տեղ ես տալիս...
Ճիշտ է` բացասական ամրապնդում է, բայց պապիկներին այդ օրվանից տեղ չեմ տալիս, իսկ տարեց կանանց տեսնում եմ, կանգնում եմ, նստում են: