Գագիկ Ծառուկյանի փեսա, Աբովյանի արդեն նախկին քաղաքապետ Կարապետ Գուլոյանի` Կոտայքի մարզպետի պաշտոնում նշանակվելը քննարկումների նոր թեմա է դարձել հասարակական-քաղաքական շրջանակներում: Կարապետ Գուլոյանն, անդրադառնալով լուրերին, թե նշանակումն արվել է Գագիկ Ծառուկյանի միջամտությամբ, ասել է, որ կառավարությունն իր աշխատանքը գնահատելով է գնացել այդ քայլին, ուրիշ` ոչինչ: Քաղաքական գործիչներից ոմանք այս քայլը դիտարկում են որպես մխիթարանք, մյուսներն էլ նշանակումը համարում են տրամաբանական` կարծելով, որ նորանշանակ մարզպետն արժանի է այդ պաշտոնին: