Դրանք կիսաբամաբասանքային լուրեր են, չեմ հավատում այդ խոսակցություններին. ում մտքով ինչ անցնում է, հայտարարում է: Ես ինչ իմանամ՝ այդ մեքսիկացի տղան ով է, ինչ է, կվաճառեն, թե`չեն վաճառի: Մենք ունենք մի խնդիր՝ «Հայֆիլմը» գնեցին պայմանագրային պարտավորություններով, գնորդը, սակայն, թերացել է: Ինձ հետաքրքրում է, թե ինչ պատասխանատվության պետք է ենթարկվեն իրենք. չէ՞ որ հզոր հարված է հասցվել մեր կինոինդուստրիային, եթե իհարկե դա ունենք:

Առաջին անգամ եմ նման բան լսում, չեմ կարող ասել` որքանով է իրատեսական: Գիտեմ, որ պետությունը վերցրել է «Հայֆիլմ»-ը, բայց, թե ինչ կանի` ոչ ոք չի կարող ասել: Կինոստուդիան վերականգնելն ահռելի գումարների հետ է կապված:

Իմ վերաբերմունքն ու արձագանքն այդ թեմային հետևյալն է.
Դանիել Խարմս` «Օպտիկական Խաբկանք». Սեմյոն Սեմյոնովիչը ակնոց դնելով նայում է սոճուն ու տեսնում` սոճու վրա նստած է մի մուժիկ ու իրեն բռունցք է ցույց տալիս: Սեմյոն Սեմյոնովիչը ակնոցը հանելով նայում է սոճուն ու տեսնում, որ սոճու վրա ոչ ոք նստած չէ: Սեմյոն Սեմյոնովիչը ակնոց դնելով նայում է սոճուն ու նորից տեսնում` սոճու վրա նստած է մուժիկը ու իրեն բռունցք է ցույց տալիս: Սեմյոն Սեմյոնովիչը ակնոցը հանելով նորից տեսնում է, որ սոճու վրա ոչ ոք նստած չէ: Սեմյոն Սեմյոնովիչը նորեն ակնոց դնելով նայում է սոճուն և նորից տեսնում` սոճու վրա նստած է մուժիկը ու իրեն բռունցք է ցույց տալիս: Սեմյոն Սեմյոնովիչը չի կամենում հավատալ այդ երևույթին և համարում է այդ երևույթը օպտիկական խաբկանք: