Կարպիս Փաշոյան էջը մի հիանալի բան է իրենից ներկայացնում։ Երեխաներն իրենց նախկին ուսուցչին են գովում, իսկ դպրոցի կազմը ՝ պաթոսա-անեծքային ֆլեշ-մոբ ա անում։ Լրիվ ոնց որ Գրիֆինդոր-Սլիզերին, ընդ որում Մագիայի նախարարության անկումից հետո։

Սկզբում չէի ուզում արձագանքել... պարզապես տհաճ է այս ամենը և խորը հիասթափություն ես ապրում, երբ փորձում են խեղաթյուրելով ամեն ինչ՝ քննադատել և քարկոծել մի կոլեկտիվի, որը գրկաբաց ընդունել է և աջակցել բոլոր նոր և հատկապես երիտասարդ աշխատակիցներին, և կրկնակի տհաճ է, երբ երիտասարդ հայ տղան, ում հետ շուրջ մեկուկես տարի աշխատել ես կարող է թույլ տալ, որ իր ընկերներն, իսկությունը չիմանալով, ցեխ շպրտեն մի ամբողջ կոլեկտիվի և ղեկավարության վրա: Ամեն դեպքում դպրոցը այն տեղը չէ, որտեղ պետք է դրսևորվեն քաղաքական հայացքները և պետք չէ քաղաքականություն խաղալով խեղաթյուրել իրականությունը:

Ընկեր Կարպիս, հպարտությամբ եմ նշում, որ եղել եմ ձեր աշակերտուհիներից: Անկեղծ ասած` միշտ «նախանձել» եմ էն երեխեքին, ում դաս էիք տալիս, ու նրանց, ում կտաք: Երանի մենք էլ ձեր նման ուսուցիչներ ունենայինք:

Ես Կարպիսին չեմ ճանաչում, ու որպես կողքից նայող` կարծիքս ասեմ, հարգելի ԴԱՍԱՏՈՒՆԵՐ, էս հարձակումները, որ կատարում եք էս տղայի վրա պրիմիտիվ, խղճալի ու անարդյունավետ են, ախր շատ ա զռռում ամեն ինչ:

Ի պատասխան այն բոլոր հոդվածների և գրառումների, որ արվում են իբրև ի պաշտպանություն Կարպիս Փաշոյանի, ուղղակի կոչ եմ անում հենց իրեն` Կարպիսին, էժանագին շոուներով առաջնորդվելու փոխարեն, դպրոցի, ուսուցիչների դեմքին ցեխ շպրտելու փոխարեն թող փոքր ինչ ազնվություն, անկեղծություն ցուցաբերի և իր դպրոցից գնալու իրական պատճառները նշի: Չէ որ իր իսկ կողմից նշած «անպատասխանատու» վերաբերմունքի, «պարբերաբար» ուշացումների ( իսկ պարբերաբարն ամեն օր է իրականում) վկան են նաև իր աշակերտները: Դպրոցի մանկավարժական կոլեկտիվը ամեն ինչ արել է օգնելու նրան` հասկանալով, որ ուսանող է, որ երիտասարդ է, որ ակտիվ քաղաքացի է, որ... որ... սակայն ի պատասխան դրա` այսօր դպրոցն ախոռի հետ համեմատվեց, իսկ մանկավարժներն ու աշակերտները...
Փաշոյաʹն, ազնիվ եղիր գոնե ինքդ քեզ հետ... ափսոսում եմ, որ այս ամենի ականատեսն են նաև աշակերտները... Այս ամենից հետո ինձ ցավով մնում է միայն ավելացնել` «Եվ դու, Բրուտո՞ս...»: