Յուրաքանչյուր ոք, առավել ևս պետական քաղաքական գործիչը, իրավունք ունի ցանկացած հարցի պատասխանել այնպես, ինչպես ինքը հարմար է գտնում: Երկրի վարչապետը այդ հարցին հարմար գտավ պատասխանել այդպես՝ լակոնիկ: Դա բացառապես իր իրավունքն է և ինձ համար վարչապետի նման պատասխանը բացարձակ վիրավորական չէ:

Ա՜, ինձ դուր է գալիս այս ոճը: Մարդը կարճ, կոնկրետ, առանց «գլուխ արդուկելու», պատասխանում է: Առաջարկում եմ այս հնարքը հայկական քաղաքականությունում այսուհետ անվանել «Տրգրան Սթայլ»: Այս «սթայլ»-ը կհամալրի ՀՀԿ-ի այնպիսի հայտնի «Սթայլ»-երի ցուցակը, ինչպիսիք են «Գալու Սթայլ», «Շարմա Սթայլ» և այլն: Խնդրում եմ չնեղանալ այն մարդկանց, ում չեմ նշել այս ցուցակում: Բոլորն էլ ունիկալ են և տեղ ունեն մեր սրտերում:

Ծիծա՛ղ, միայն ծիծա՛ղ: 13.11.2013թ-ին կոռեկտ ու կիրթ հարց տվեցի վարչապետին, որի պատասխանը, արդեն վստահ եմ, լսել է ամբողջ աշխարհն ու հետևություններ արել:
Համացանցը հեղեղված է հարց ու պատասխանի տեսանյութով, բայց արի ու մի տես ‹‹Արմնյուզը››, չնայած դրան, նյութը մոնտաժեց, ուղիղ խոսքս կտրեց ու 100%-անոց սուտ մատուցեց հեռուստադիտողին: Սու՛տ, բացարձակ սու՛տ: Բայց չէ՞ որ ձեր պրոֆեսիոնալիզմն եք հարցի տակ դնում, սիրելի գործընկերներ, չէ՞ որ միևնույն է բոլորն արդեն ճիշտը գիտեն:
Եվ ամեն անգամ, երբ ժողովրդի շահից խոսելուցս հետո փորձեք ապատեղեկատվություն տարածել, հիշե՛ք, որ դրանով իսկ լրացուցիչ առիթն եք ստեղծում ճիշտն ու ճշմարտությունը նորից շրջանառելու, որովհետև անկախ լրատվական կայքերում ու սոցիալական ցանցերում իրական նյութը դիտողների թիվը հարյուրավոր անգամներ գերազանցում է ձեր լսարանը: Իսկ ես ամեն ձեր ապատեղեկատվությունից հետո տարածելու եմ ճշմարտությունը, որպեսզի հայրենակիցներս իմանան:

Բարձրացված խնդիրն իրականում հասարակությանը հուզող խնդիր է, մենք բոլորս գիտենք, թե ինչպիսի վիճակում են գտնվում այսօր մարզերում բազմաթիվ կենսական նշանակություն ունեցող հաստատություններ, մինչդեռ բյուջեով ավելի առաջնային է համարվել վարչական շենքերի ֆասադների վերանորոգումը։ Ես, անկեղծ ասած, ոչ ընդունելի վարքագիծ եմ դա համարում կառավարության կողմից ԱԺ պատգամավորի հանդեպ և միևնույն ժամանակ նման արհամարհական վերաբերմունքով արտահայտվում է կառավարության վերաբերմունքը հասարակությանը հուզող հարցերի նկատմամբ:

«Օ՜ կառավարություն» դիմելաձևը չեմ կարծում ամենապաշտոնական դիմելաձևն է, ուստի հնչեցված հեգնական դիմելաձևին, ադեկվատ և սպառիչ պատասխան է հնչեցվել վարչապետի կողմից: