ԱՄՆ Քալիֆորնիա նահանգի խորհրդարանի նիստի ժամանակ ներկայացվել է ապրիլի 24-ը Հայոց ցեղասպանության 103-րդ տարելիցի օր հռչակելու մասին բանաձևի նախագիծը: «Քալիֆորնիայի բնակիչների համար այդ բանաձևն առիթ է հարգանքի տուրք մատուցելու միլիոնավոր զոհված հայերի հիշատակին և պահանջելու դատապարտել Հայոց ցեղասպանության հերքման փորձերը»,- օրենսդիր մարմնի անդամ Լորա Ֆրիդմանի խոսքն է մեջբերում Asbarez-ը: Բանաձևի նախագիծն աջակցություն է ստացել նաև այլ անդամների՝ Ադրին Նազարյանի, Սքաթ Ուիլքի և Էնթոնի Փորթանթինոյի կողմից: Ավելի վաղ Լորա Ֆրիդմանն Արցախ այցելելու համար հայտնվել էր Ադրբեջանի «սև ցուցակում»: |